Meddyliau am hunanladdiad

Rwy’n meddwl am hunanladdiad

• Os ydych chi’n cael meddyliau hunanladdol, mae’n hanfodol eich bod yn siarad â rhywun ynglŷn â sut rydych yn teimlo. Peidiwch â cheisio ymdopi â’r teimladau anodd hyn ar eich pen eich hun. Mae gwasanaethau am ddim i’w cael, gyda gweithwyr proffesiynol hyfforddedig, yn aros i siarad â chi. Maen nhw eisiau i chi gysylltu â nhw. Codwch y ffôn, anfonwch neges destun neu e-bost – mae’r manylion cyswllt i’w gweld isod.
• Os ydych chi neu rywun rydych chi’n ei adnabod angen cymorth a chyngor brys ar gyfer sut rydych chi’n teimlo, ffoniwch linell gymorth am ddim y GIG: Iechyd Meddwl 111 (Opsiwn 2). Ffoniwch 111 a dewiswch Opsiwn 2. Mae’r gwasanaeth hwn ar gael 24 awr y dydd, 7 diwrnod yr wythnos ac mae am ddim i’w ffonio o ffôn symudol (hyd yn oed pan nad oes gan y galwr gredyd yn weddill) neu o linell dir. Byddwch yn cael cymorth ar unwaith dros y ffôn i’ch helpu i ymdopi â sut rydych yn teimlo ac, os oes angen, trefnir atgyfeiriad i wasanaethau iechyd meddwl. Os bydd angen, trefnir asesiad meddwl brys neu argyfwng.
• Os ydych eisoes wedi cael rhif Llinell Argyfwng gan weithiwr iechyd proffesiynol, ffoniwch ef.
• Gallwch hefyd gysylltu â meddygfa eich Meddyg Teulu a gofyn am apwyntiad brys. Mewn argyfwng, dylid cynnig apwyntiad i chi gyda’r meddyg cyntaf sydd ar gael.
• Neu ffoniwch y Samariaid. Gwasanaeth am ddim, sydd ar gael 24 awr y dydd, 365 diwrnod y flwyddyn yw’r Samariaid. Os ydych eisiau siarad â rhywun yn gyfrinachol, ffoniwch nhw ar 116 123.
• Os ydych o dan 35, gallwch ffonio HOPELINE247 PAPYRUS ar 0800 068 4141. Neu anfon neges destun at 0786 0039967. Neu e-bostio pat@papyrus-uk.org. Llinell gymorth 24 awr am ddim yw hon i bobl ifanc neu unrhyw un sy’n pryderu am berson ifanc a allai fod yn teimlo’n hunanladdol.
• Neu cliciwch yma i ddod o hyd i linellau cymorth a llinellau negeseuon testun eraill Mae yna amrywiaeth eang o wasanaethau sy’n cynnig cymorth proffesiynol am ddim ar gael ar unwaith i’ch cadw’n ddiogel.
• Gallwch hefyd siarad â rhywun rydych yn ei adnabod ac yn ymddiried ynddynt. Peidiwch â cheisio ymdopi â theimladau anodd ar eich pen eich hun.
• Os oes gennych gynllun diogelwch, dilynwch eich cyngor eich hun.
• Rydym hefyd wedi llunio rhestr o ffynonellau cymorth megis apiau a gwefannau defnyddiol.
• Os ydych chi, neu rywun rydych yn ei adnabod, mewn perygl dybryd cliciwch yma.