Poeni am rywun yn teimlo’n hunanladdol

Os teimlwch fod eu bywyd mewn perygl dybryd:

• Os bydd rhywun yn dweud wrthych eu bod yn teimlo’n hunanladdol, cynghorwch nhw i gysylltu â gwasanaeth am ddim y GIG: Iechyd Meddwl 111 Opsiwn 2. Mae’r gwasanaeth hwn ar gael 24 awr y dydd, 7 diwrnod yr wythnos ac mae am ddim i’w ffonio o ffôn symudol (hyd yn oed pan nad oes gan y galwr gredyd yn weddill) neu o linell dir. Byddant yn darparu cefnogaeth ar unwaith dros y ffôn i’w helpu i ymdopi â sut mae’n teimlo ac, os oes angen, trefnir atgyfeiriad i wasanaethau iechyd meddwl. Os bydd angen, trefnir asesiad meddwl brys neu argyfwng.
• Fel arall, gallant gysylltu â’u meddyg teulu a gofyn am apwyntiad brys neu gysylltu â llinell gymorth broffesiynol am ddim arall.
• Mae tystiolaeth yn dangos y gall gofyn i rywun a ydynt yn teimlo’n hunanladdol helpu i’w hamddiffyn. Os ydych chi’n teimlo y gallwch, anogwch nhw i siarad am sut maent yn teimlo. Yna gwrandewch yn dosturiol a heb farnu. Cymerwch nhw o ddifrif. Nid oes rhaid i chi allu datrys eu problemau. Anogwch nhw i ofyn am gyngor, a rhowch wybod iddynt fod cymorth proffesiynol a chyfrinachol am ddim ar gael ar unwaith.
• I gael cyngor ar sut i gael y sgwrs hon, gweler ein tudalen Teimladau Hunanladdol. Mae gwybodaeth ddefnyddiol hefyd ar wefan y Samariaid i helpu pobl i gefnogi rhywun sy’n cael meddyliau hunanladdol. Hefyd, mae HOPELINE PAPYRUS yn rhoi cyngor i unrhyw un sy’n pryderu y gallai person ifanc o dan 35 oed fod yn meddwl am hunanladdiad.
• Anogwch nhw i godi’r ffôn, anfon neges destun neu e-bost. Atgoffwch nhw ei bod yn bwysig nad ydynt yn cael trafferthion gyda theimladau anodd ar eu pen eu hunain. Mae ystod eang o gymorth proffesiynol ar gael. Gweler ein dolen am fwy o wybodaeth. Neu anogwch nhw i siarad â rhywun maent yn ei adnabod ac yn ymddiried ynddynt.
• Fe allent ffonio’r Samariaid. Mae gan y Samariaid wasanaeth y gellir ei ffonio am ddim 24 awr y dydd, 365 diwrnod yr wythnos. Os ydych chi eisiau siarad â rhywun yn gyfrinachol, ffoniwch nhw ar 116 123.
• Os ydynt dan 35 oed, gallant ffonio HOPELINE UK PAPYRUS ar 0800 068 4141. Neu anfon neges destun at 07860039967, neu e-bostio pat@papyrus-uk.org. Llinell gymorth am ddim i blant a phobl ifanc dan 35 oed sy’n cael meddyliau hunanladdol yw hon. Mae HOPELINE PAPYRUS hefyd yn cynnig cyngor i unrhyw un sy’n pryderu y gallai person ifanc fod yn meddwl am hunanladdiad.
• Rhowch wybod iddynt fod ystod eang o adnoddau ar ein gwefan, megis apiau a gwefannau, a allai fod yn ddefnyddiol iddynt.