Rwy’n teimlo’n hunanladdol

Rwy’n teimlo’n hunanladdol. Mae fy mywyd mewn perygl dybryd

Os ydych yn teimlo y gallech geisio lladd eich hun, neu y gallech niweidio’ch hun yn ddifrifol, mae’n hanfodol eich bod yn ceisio cymorth brys.

• Os ydych wedi brifo eich hun a bod eich anafiadau angen sylw meddygol ar unwaith, neu os ydych mewn perygl dybryd, ffoniwch ambiwlans ar 999 neu ewch i’r adran damweiniau ac achosion brys.
• Os ydych chi neu rywun rydych chi’n ei adnabod angen cymorth a chyngor brys ar gyfer sut rydych chi’n teimlo, ffoniwch linell gymorth am ddim y GIG: Iechyd Meddwl 111 (Opsiwn 2). Ffoniwch 111 a dewiswch Opsiwn 2. Mae’r gwasanaeth hwn ar gael 24 awr y dydd, 7 diwrnod yr wythnos ac mae am ddim i’w ffonio o ffôn symudol (hyd yn oed pan nad oes gan y galwr gredyd yn weddill) neu o linell dir. Byddwch yn cael cymorth ar unwaith dros y ffôn i’ch helpu i ymdopi â sut rydych yn teimlo ac, os oes angen, trefnir atgyfeiriad i wasanaethau iechyd meddwl. Os bydd angen, trefnir asesiad meddwl brys neu argyfwng.
• Os ydych eisoes wedi cael rhif Llinell Argyfwng gan weithiwr iechyd proffesiynol, ffoniwch ef.
• Gallwch hefyd gysylltu â meddygfa eich Meddyg Teulu a gofyn am apwyntiad brys. Mewn argyfwng, dylid cynnig apwyntiad i chi gyda’r meddyg cyntaf sydd ar gael.
• Neu ffoniwch y Samariaid. Gwasanaeth am ddim, sydd ar gael 24 awr y dydd, 365 diwrnod y flwyddyn yw’r Samariaid. Os ydych eisiau siarad â rhywun yn gyfrinachol, ffoniwch nhw ar 116 123.
• Neu cliciwch yma i ddod o hyd i linellau cymorth a llinellau negeseuon testun eraill Mae yna amrywiaeth eang o wasanaethau sy’n cynnig cymorth proffesiynol am ddim ar gael ar unwaith i’ch cadw’n ddiogel.

Mae’n hanfodol eich bod yn siarad â rhywun ynglŷn â sut rydych yn teimlo cyn gynted â phosibl a chyrraedd rhywle lle rydych yn teimlo’n ddiogel.