Cymorth Cyntaf Hunanladdiad ‘Lite’ – Hyfforddiant Rhithwir

Cyflwynir Cymorth Cyntaf Hunanladdiad ‘Lite’ mewn 2 ran, pob un yn para 90 munud. Mae’r rhaglen yn dysgu’r sgiliau sydd eu hangen i adnabod rhywun a allai fod yn meddwl am hunanladdiad ac i drosglwyddo’r person i swyddog cymorth cyntaf hunanladdiad.

Rhan 1 – 90 munud

• Cyflwyniad i’r sesiwn; y rhaglen, ein hunain ac atal hunanladdiad
• Stigma, Goroeswyr profedigaeth drwy hunanladdiad a’r Niwed Cudd
• Meddyliau hunanladdol ac ymddygiad hunanladdol
• Bwriad ymddygiad o gymharu â Chanlyniad ymddygiad
• Achosion Posibl Meddyliau Hunanladdol
• Hunanladdiad – yr effaith ehangol

–Egwyl–

Rhan 2 – 90 munud

• ‘I’m really glad you told me’ clyweledol
• Canllawiau Diogelwch Hunanladdiad
• Adnabod a holi am hunanladdiad
• Atgyfeirio person at swyddogion cymorth cyntaf hunanladdiad

Mae hyfforddiant Cymorth Cyntaf Hunanladdiad Lite (Rhithwir) yn cynnig canlyniadau dysgu sy’n seiliedig ar wybodaeth ac yn ffeithiol. Gellir defnyddio’r hyfforddiant hwn fel rhaglen ar ei phen ei hun neu fel rhan gyntaf taith i ddysgu sgiliau atal hunanladdiad.

Mae’r rhaglen undydd Cymorth Cyntaf Hunanladdiad drwy Ddeall Ymyriadau Hunanladdiad yn rhaglen gymhwyster City & Guilds ac yn gam nesaf i bobl sydd eisiau dull dysgu mwy manwl sy’n seiliedig ar ymarfer. Mae’r wybodaeth yn SFALV yn hawdd ei deall i bobl o bob lefel sgiliau a’r rheini heb unrhyw wybodaeth flaenorol o’r pwnc. Fe’i cynlluniwyd i ddiwallu anghenion grwpiau rhithwir a gellir ei ddefnyddio fel rhagflaenydd i’r Rhaglen Cymorth Cyntaf Hunanladdiad undydd.

Sail Tystiolaeth:

Dangosodd dau werthusiad annibynnol yn 2016 a 2017 gan Dr Paul Rogers newid ystadegol sylweddol mewn 14 o 19 o fesurau. Roedd mwy o hyder a llai o bryder wrth ddelio â hunanladdiad ymhlith y canlyniadau mwyaf blaenllaw.

Dulliau cyflwyno:

Addysgir dros 3 awr gan ddefnyddio dysgu Socratig wedi’i hwyluso gan diwtor, sesiynau ymarfer dan arweiniad tiwtor, darlithoedd byr, gwaith grŵp a chyflwyniadau clyweledol. Mae rhai elfennau rhyngweithiol ac mae’n brofiad dysgu sy’n ennyn diddordeb emosiynol.

Gofyniad cyn hyfforddi:

Nid oes angen profiad na hyfforddiant blaenorol. Gofynnir i gyfranogwyr hunan-fyfyrio a chydymdeimlo â pherson sy’n meddwl am hunanladdiad. Nid oes disgwyl i gyfranogwyr rannu profiadau personol.

Pwy ddylai fynychu?

Rheolwyr ac ymarferwyr amlsector gan gynnwys iechyd, tai, gofal cymdeithasol, addysg, cyfiawnder troseddol, gweithredwyr canolfannau galwadau, gweithwyr yn y sectorau preifat, gwirfoddol a chyhoeddus a grwpiau neu aelodau cymunedol.