Teimlo’n Unig

Teimlo’n unig a lles meddyliol

Gallwn ni i gyd deimlo’n unig ar adegau. Bydd profiad pawb yn wahanol; mae rhai pobl yn teimlo’n unig mewn torf o bobl. Gellir disgrifio unigrwydd fel teimlad o dristwch a gwacter sy’n ein gadael yn teimlo’n unig ac yn ynysig. Gall teimlo’n unig effeithio ar bobl o bob oed, o’r genhedlaeth iau i’r henoed.

Mae cael cysylltiadau cymdeithasol cadarnhaol yn bwysig i’n hiechyd meddwl. Rydyn ni i gyd yn amrywio o ran faint rydyn ni’n ceisio, ac yn mwynhau, cwmni eraill. Ond yn y bôn fel bodau dynol mae angen i ni i gyd ryngweithio’n gadarnhaol â phobl eraill.

Mae yna lawer o achosion dros deimlo’n unig fel

• Chwalfa mewn perthynas
• Babi newydd
• Profedigaeth
• Gofalu am rywun, bod â rôl gofalu
• Ymddeoliad/Colli Swydd a’r cysylltiadau cymdeithasol a wnawn tra yn y gwaith
• Symud i gartref/ardal newydd lle nad ydym yn adnabod neb
• Rhai adegau o’r flwyddyn, fel y Nadolig

Er nad yw unigrwydd yn broblem iechyd meddwl gall effeithio ar eich iechyd meddwl a’ch lles.

Cyngor hunangymorth

• Efallai y bydd yn ddefnyddiol i chi gymryd rhan mewn gweithgareddau sy’n digwydd yn eich ardal leol. Dod yn gysylltiedig â’ch cymuned leol. Darganfyddwch beth sy’n digwydd yn eich ardal chi drwy fynd i’n tudalen ‘yn eich ardal chi‘.
• Edrychwch ar ein hadnoddau hunangymorth isod i gael syniadau ar sut i ddod a theimlo’n fwy cysylltiedig.
• Mae gwasanaeth cyfeillio am ddim ar gael i bobl sy’n byw yn ardal Bwrdd Iechyd Prifysgol Aneurin Bevan yn unig. Mae Frindi I Mi (neu Ffrind i mi) wedi’i ddatblygu i wneud yn siŵr bod unrhyw un sy’n teimlo’n unig neu’n ynysig yn cael cymorth i ailgysylltu â’u cymunedau. Gweler ein hadnoddau hunangymorth isod am ragor o wybodaeth.
• Efallai y byddwch am roi cynnig ar wirfoddoli – ar gyfer cyfleoedd gwirfoddoli lleol cysylltwch â CMGG neu os ydych yn byw yn Nhorfaen – Volunteering TVA.
• Mae yna bethau syml y gallwn ni i gyd eu gwneud i helpu i ofalu am ein hiechyd meddwl. Er enghraifft, mae rhai pobl yn gweld cysylltu ag eraill yn ddefnyddiol iawn pan fyddant yn teimlo’n unig. Ewch i’n hadran ‘gofalu amdanoch chi’ch hun‘ am ragor o wybodaeth a chyngor.
• Nid oes angen i chi brofi’r teimladau hyn ar eich pen eich hun. Cysylltwch â ffrind neu berthynas, neu siaradwch â rhywun ar linell gymorth elusen, gweler isod.
• Weithiau does ond angen i chi glywed llais ar ddiwedd y ffôn. Mae yna lawer o elusennau sy’n rhedeg llinellau cymorth, mae rhai ar gyfer grwpiau penodol fel y llinell gymorth gyfrinachol am ddim i bobl hŷn, fel The Silver Line. Gweler ein hadran llinellau cymorth isod.
• Os ydych chi neu rywun rydych chi’n ei adnabod angen cymorth brys – ewch i’n tudalen ‘cymorth brys‘ ar unwaith.